Hmun thumah heroin gram 276 man

Excise & Narcotics department (END)-a Anti-Narcotics Squad-te chuan nimin khan heroin gram 276 (hawng 20) an man. END chuan, tunlai hian ruihhlo dona kawng-ah chak takin hma an la mek tih an tarlang.

END tarlan danin, Anti Narcotics Squad-te hian nimin zing dar 7:30 khan Bawngkawn Lunglei Road-ah heroin gram 167 (hawng 12) an man a, a neitua puh, Lianchhunga (40) s/o Lalhuma, Champhai Bethel Venga khawsa nia inchhál an man tel.

Nimin zing dar 9:15 khan Anti-Narcotics Squad leh Dawrpui leh a chhehvela Joint Operation-te'n Dawrpui Vengah heroin gram 29 (hawng hnih) an man a; a neitua puh mi pahnih - Lalramthandingi (19) d/o Lalhmangaiha leh Vanlalzawni (23) d/o F Laldingliana, Rangvamual Mel 3-a khawsa nia inchhalte an man nghal.

Zing dar 9:45-ah END Anti-Narcotics Squad leh Central YMA hnuaia Supply Reduction Service (SRS)-te'n Rangvamual Mel 3-ah heroin gram 80 (hawng ruk) leh a neitua puh mi pa-hnih - Lalramchangi (23) d/o K Savunga, Khawmawi, Myanmar, Teirei Forest-a khawsa mek nia insawi leh, Thang-
ṭhuami (30) d/o Hrang-lianzawna, Rangvamual Mel 3-a khawsa nia in-sawite an man bawk.

Hmun pathuma heroin vanga man mi pangate hi NDPS Act, 1985 tlawhchhan-in thubuai siamsak an ni.