Kolasib-ah DIPR office thar hawng

Cheng nuai 80.47 seng-a sak, District Information & Public Relations Office, Kolasib chu nimin khan IPR minister Lal Thanzara'n a hawng.

Office hawn inkhawm hi IPR jt. director David L Thangliana'n kaihruaiin, Lal Thanzara chuan, "IPR dept. hi mipui hnena sor-kar hmalaknate hrilhhretu an ni a, hemi kawnga MJA te nen thawhhona tha tak an nei hi a lawm-awm hle," a ti a, department hrang hrangte chu IPR dept. ṭangkai zawka hmang turin a chah.

NLUP chungchang sawiin IPR Minister chuan, "NLUP hnuaiah chhungkaw nuai khat chuang ṭanpuina pek an ni tawh a, chhungkaw tam tak dinhmun chawikan anih ngei ka beisei. A dawngtuten an hlawhtlinpui ngei theih nan sorkar hnathawkte pui leh a ṭul
anga thurawn pe turin MJA te leh khawtlang hruai--
tute an pawimawh," a ti.

Thusawitu dang IPR director Jim K Chozah chuan, DIPRO office building neih a nih theihna atana an department officer leh department danga thawktute thawhrimna leh thawhhona chu fakawm a tih thu a sawi.

Kolasib DIPR office hi chhawng khat a ni a, ground floor chu office atan hman niin, first floor chu conference hall atan hman a ni.