Tui lumna thar Adonia tlangzarh

India rama electronic bungrua siamtu lâr, Havells company deputy vice president Anil Sharma chuan, tui lumna (water heater) thar, 'Adonia' tih chu Mizoram atan a tlangzarh a; Adonia chu man to lo, kawlphetha heh lo leh him a nih thu a sawi.

Havells company hotute chuan nimin khan Hotel Floria-ah thuthar thehdarhtute kâwmin, Adonia chungchang an sawi a; Anil Sharma sawi danin, Adonia chu tui sat zawng duh anga dah theihna niin, Rs. 11,000 leh 14,000 inkar man a ni a, kum sarih chhung warranty an pe.

Anil Sharma chuan, Havells company-in Mizoramah dealer 20 an nei a, hmarchhak state-ah delaer 200 chuang an nei tih a sawi bawk.