Mizoram BJP-in PM thuthlukna thláwp

BJP Mizoram Pradesh chuan thu-chhuah siamin, prime minister Narendra Modi-a'n eirûkna tihbo a nih theih nan te, ram danga India pawisa chhehrelh (black money) tihtawp nan te, firfiaka chêtna leh pawisa lem léng vel tihtawpna tura Rs. 1,000 leh Rs. 500 note a tithi chu ṭha an ti a, an thlâwp thu an tarlang.

Mizoram BJP chuan, eirûkna, hlemhlêtna, sum chhehrelh, pawisa lem leh firfiaka chetnate chu a inzawm tlat avangin PM Narendra Modi chuan India history tidanglam thei tur thu-tlukna a siam nia sawiin, "India ram tibuaia tiṭhuanawptu eirukna, hlemhletna leh firfiaka chetnate a tihkiam duak theih dawn avangin, thutlukna hi India ram tana hmasawnna thlentu tur méllung pawimawh berah kan ngai," an ti.