Kolasib leh Saitualah media workshop

Directorate of Information and Public Relations leh Mizoram Journalists' Association (MJA) Gen. Hqrs bultumin nimin khan Kolasib-ah leh Saitualah media workshop buatsaih a ni a; Lengzem editor Vanneihtluanga buatsaih 'Traditional media and new media' tih leh, Dr H Laldinmawia, PUC buatsaih 'Mizo ṭawng ziah dan dik' tih zirho a ni.

Kolasib-ah chuan media workshop hi Kolasib Press Club-ah buatsaih a ni a, DRDO project director Lalmuan Puia'n a hmanpui. Zirhona hi MJA, Kolasib District president Andrew Vanlalauva'n a kaihruai a, Kolasib-a IPRO David A Lalhmingchhuana’n thu a sawi. Kolasib MJA vice president C Zomuanpuia leh treasurer Zairemchhunga ten resource person-te paper an chhiar a ni.

Zirhonaah hian Kolasib-a MJA member-te bakah, YMA branch pahnih aṭangin YMA chanchinbu editor-te an tel.

Saitualah chuan IPR department office-ah media woerkshop buatsaih a ni a; IPRO F Zodingpuii'n a kaihruai. MJA member Isaac Lalrinfela leh C Rammawizuala ten resource person-te paper buatsaih an chhiar a, sawiho a ni. International Day Against Drug Abuse & Illicit Trafficing a nih angin, ruihhlo dona thutiam an sawi rual bawk.

F Zodingpuii chuan, MJA member-te chu print media mai bakah, tunlai thiamna hmang ṭangkai thiam turin a chah a; Mizo ṭawng humhalh kawngah ṭan la zel tura chahin, "Ṭawng humhalh turin MJA member-te in pawimawh lehzual a ni," a ti.