Hmun hnihah heroin man a ni

Lunglei Police leh Assam Rifles ṭang dun chuan nimin khan Lunglei district-a Bualte dáiah K Lallawmpuia (29) s/o K Lalvunga, Hnahthial Chanmari hnen aṭangin heroin gram 71.25 an man a; Lunglei Police Station-ah thubuai an ziak lut.

Assam Rifles chuan nimin zing dar 8:30 vel khan Champhai Zote huam chhunga mobile vehicle check post-ah Grand Vitara MZ-01 AC-6204 aṭangin heroin hawng 9 (gram 100.5) an man a; Champhai Zote-a mobile vehicle check post-ah vêk hian Assam Rifles sipaite chuan June 25, Nilaini chawhnu dar 4:45 khan mi pakhat hnen aṭangin heroin hawng 3 (gram 31.2) an man bawk. AR sipaite hian heroin an mante hi Champhaia Excise & Narcotics department hnenah an hlan a ni.