ATL kawng leilung zir chian a ni

Aizawl-Thenzawl-Lunglei (ATL) Road zir chiang tura rawih Central Road Research Institute (CRRI) chuan kawng leilung zir chian hna an thawk zo tawh.

CRRI aṭang hian scientist pathum leh technician pahnih an rawn kal a, June 26, 2025 khan Lunglei an thleng a, Lunglei PWD hotute kaihhruaina hnuaiah kawng zir chian hna an thawk. An zir chian tura tih ATL kawnga Kanghmun South leh Pukpui inkara leilungte zir chian turin an la a ni.

Lunglei PWD hotute sawi danin, kawng leilung sample chu CRRI hmunpuiah zir chian a ni dawn a, ni 45 chhungin kawng siam dan turah CRRI-in rawtna an siam ang. CRRI rawtna siam zûlzuiin Mizoram PWD chuan kawng siamna tur sum an ruahman dawn a ni.