Covid-19 vanga thi Mizoram tlem chhan Sorkar hmalakna mipuiin tawiawm that vangah ngai

30th December, 2020

Nimin khan Council of Minister chu chief minister Zoramthanga hoin CM conference hall-ah an thukhawm a, Covid-19 vanga thi Mizorama an tlem chhanah sorkar hmalakna mipuiin an thlawp that vangah an ngai.

Council of Minister chuan Covid-19 chungchangah state dang aia Mizoram dinhmun a tha chu lawmawm an ti a, sorkar laipuiin an zirchiannaah December 2020 tawp lamah Mizoramah hripui vei 6000 chuang tura an ngaih laiin nimin thlengin mi 4190 in an vei thu tarlan niin, "Covid-19 vanga nunna chan mi pariat chiah kan la awm hi sorkar hmalakna mipuiin an tawiawm that vang a ni," an ti.

Council of Minister thurel dangte :

• Vairengte leh Champhaia Agriculture department Cold Storage Plant-te pawnlam mi, department pawn a miten an hman hawh tir (lease out) tura rawtna lut chu phalsak a ni. Kuthnathawktute hmathatna tur thlir chungin cold storage plants leh kudam Mizoram chhung hmun hrang hranga awmte chu tangkai zawka hman a nih theih nan hmalak ni se tih a ni.

• The Mizoram State Higher Education Council (Amendment) Bill, 2020

• Energy Conservation Building Code (ECBC), 2020 chu Mizoram a notify tura rawtna.

• Mizoram Upa Pawl, Laipuitlang Branch, Aizawl tana Laipuitlanga PWD Complex ram sahthlak

• “The State Chief Information Commissioner, Mizoram (Terms and Conditions of Service) Rules, 2012" leh “The State Information Commissioner, Mizoram (Terms and Conditions of Service) Rules, 2012" hnuh kir (repeal)

• Draft Mizoram Licensing and Regulation of Private Veterinary Hospital and Clinic Bill, 2020

• Mizoram Building & Other Construction Workers Welfare (RECS) Rules, 2015 siamthat (amendment)

• Tourism Department atangin The Draft Mizoram (Aero Sports) Rules, 2020 leh The draft Mizoram (River Rafting) Rules, 2020

• School Education department hnuaia middle school leh high school work education teacher-te three tier grade pay siam sak

• Mizoram Registration of Births & Deaths (Amendment) Rules, 2015 hnuaia clause (i) of sub-rule (1) of Rule 10 siamthatna - (Extension of Period for Insertion of the Name in Birth Record)