Dialysis khawl phurh chhuah remti lo

Mamita NGO Coordination Committee, All Party, Joint VC leh MJA-te chuan Mamit District Hospital tana dialysis khawl pek tawh, district hospital dang tana phurh chhuah leh chu an remti lo a, phurh chhuah a nih loh nan an ven dawn thu an tarlang.

NGOCC, political party, Joint VC leh MJA hruaitute hian nimin khan Health Minister hnenah lehkha thawnin, Mamit District Hospital-a bun tur dialysis khawlte chu district danga sawn an remtih loh thu an hrilh a; dialysis khawl pali pek an nih avanga an lawm thu an sawi rualin, "Serchhip district leh Champhai district-a sawn tura tihna order lo thleng hian min barakhaihin, kan rilru a na hle a ni," an ti.

Dialysis khawl la phurh chhuah loh pahnih chu phurh chhuah a nih loh nan order sût tur leh, Mamit District Hospital-ah a rang thei ang bera bun a nih theih nan hma la turin Health Minister an ngen a ni.