Darlawngah tuthlawhin inchêk hlum

Lalchhuanmawia (28), Darlawng chuan nimin zing khan a pu (a nu u) Lalzawmliana (64), Tlungvel chu tuthlawhin a chêk hlum.

Thu dawn danin, Lalchhuanmawia hian a nu u Lalzawmliana, Tlungvel, an hnena zin mek chu tuthlawhin a chêk a; an ina khawtlang hruaitute an luh chuan Lalzawmliana chu a lo la ṭawng thei a, damdawi-in panpui ni mah se, a hnu deuh, zing dar 7 velah a hliam tuar loin a thi a ni.

Lalchhuanmawia hi zu nghei vanga buai a ni a, nimin zingah vêk a pa hna thawk tura a chhuak tur chema sah a tum a, a hnuah buai lehin, a nu leh a chhungte kut a thlak a ni. A chhungte'n khawtlang hruaitute an pun a; khawtlang hruaitute'n man betin, a kut a phuarsak a, a hnuah police-in an la a ni.