Lunglei Ni hman dan tur thlir lâwk

Lunglei Municipal Council (LMC) hnuaia Lunglei khawpui puala ni bik buatsaih dan tur ngaihtuahtu Organising Committee chu nimin khan an chairman Donny Lalruatsanga, LMC chief executive officer hoin an ṭhukhawm a; Lunglei puala ni bik hman tur chu 'Lunglei Ni' tia vuah an rêl.

Ṭhutkhawmah hian Lunglei Ni hman hun tur sawiho a ni a; mei mit loa Lunglei luah ṭan a nih hun nia hriat March 1889 thlir chungin, February - March 2026 tinzawn an rel. Lunglei din ni chungchanga chhinchhiahna awm sa nemngheh nan National Archives-ah lehkha pawimawh leh chhinchhiahna hluite haia zir chian ni se, chumi hnuah a ní tak tur la rel ṭhat leh ni se, an ti.

Lunglei Ni buatsaih tur atan committee pêng hrang hrang an din a; Lunglei Ni a hun hman dan tur chungchangah mipuiin ngaihdan leh rawtna thehluhna tur an siam bawk.