District Education Office hawng

Nimin tlai khan Hnahthial District Education Office chu district edu­ca­tion officer (DEO) H Sangthanga'n a hawng.

Hnahthial DEO chuan office a thawkte leh hmunpui lama hotute duhsakna zarah office thar hawn a ni thei ta chu lawmawm a tih thu sawiin, "DEO office hi August 3, 2022 khan hawn tan tawh nimah se, sum indaih lohna avangin office sak hna thawh tan lawk theih a ni lo. Tun dinhmunah pawh sum indaih lo chunga an sa zo thei hi office thawktute inpekna zar a ni," a ti.

DEO office hawn thar hi Peniel Veng, DPC office bulah awmin 42ft x 24ft a zau a ni a, a sak nan hian cheng nuai 28 vel sen a ni.