Gas man bituk thar

Indian Oil Corporation-in eirawngbawlna gas (LPG) man a tihchhuah thar zûlzuiin Food, Civil Supplies & Consumer Affairs department chuan gas man a bitliah thar a, July 1, 2025 khan hman ṭan a ni. Domestic cylinder (kg 14.2) man tihdanglam a ni lo a, commercial cylinder (kg 19) man tihhniam a ni.

Supply department tarlan danin, Vairengte tih loh hmun dang zawngah gas domestic cylinder man Rs 1,005 (June-ah Rs 1,005), commercial cylinder man Rs 2,113 (June-ah Rs 2,171), XtraTej (kg. 19) man Rs 2,135.50 (June-ah Rs 2,193.50) leh composite (kg. 10) man Rs 724 (June-ah Rs 724) a ni.

Vairengteah chuan domestic cylinder Rs 996 (June-ah Rs 996), commercial cylinder Rs 2,097.50 (June-ah Rs 2,154), XtraTeJ Rs 2,120 (June-ah Rs 2,176.50) leh composite Rs 714 (June-ah Rs 714) a ni thung.