Vairengte VC-I task force inla chhuak

Vairengte VC-I huam chhunga local task force hruaitute nimina ṭhukhawm chuan, Assam leh Mizoram inrina ram hnuaia task force duty-te chu koh chhuah rih ni se, an ti.

Meeting chuan, task force-te'n theihtawp chhuaha Mizorama luh rûk tum vénga ṭha­hnemngai taka an duty laiin, Mizoram sorkarin non-essential commoditity phurtu motor Mizorama luh a phalrai avangin, lirtheiin a ken tel driver leh handyman ṭhahnem tak Mizoramah an lut reng tho a, chuvang chuan ramria duty-in awmzia a nei loah an ngai a ni.

Vairengte aṭanga thu dawn danin, Vairengte-I VC hnuaia task force duty-na hmun hi police nena a huhoa duty-na a ni. Police hotute chuan, chu'ng duty post-ahte chuan police-te uluk lehzuala an duty reng dawn thu an sawi.

Hetih lai hian, Vai­rengtea VC-II, VC-III leh VC-lV huam chhung­a task force-te chu tuna an kal dan pang­ngai angin ramhnuaiah an la duty reng dawn nia thu dawn a ni bawk.