Zîkhlûm chîngtute'n harsatna tâwk

Samthang khuaa zîkhlûm chîngtu chhungkaw 145 chuan a hralhna lamah harsatna an tâwk mek a, an mangang tawh hle nia thu dawn a ni.

Thu dawn danin, Samthang khuaah hian chhungkaw 145-in zikhlum an ching a, kumin hian zikhlum nuai 13 an phun a, quintal 10,500 vel thar an inbeisei. Tunlai hi zikhlum thar vanglai a ni a, chawlhkar khat chhungin vawi hnih an hralh ṭhin. Zikhlum chingtute hian chawlhkar khatah ip 4,000 hralh tur an neih laiin, ip 700 vel chauh an hralh thei a ni.

Samthanga zikhlum chingtute chuan state pawn aṭangin zikhlum a rawn luh nasat avanga hralh thei loah an inngai a; state páwn aṭanga rawn lutte chu dang turin sorkar an ngen.