ACLCA leh CYMA hruaitute inkâwm

Aizawl City Local Council Association (ACLCA) hruaitute Central YMA hruaitute chuan July 3, Ninani tlai khan CYMA Office-ah an inkâwm a; Mizo hnam himna tura pawimawh chi hrang hrang an sawiho.

ACLCA hruaitute hi an president C Lalbiaknunga hoin CYMA Office-ah an lêng a, CYMA president Lalhmachhuana leh office bearer-te'n an lo dawngsawng. ACLCA hruaitute hian Inner Line Permit pek chhuah dan leh hmansual a nih theih dan te, hnam dang misitiri rawih dan leh ṭheka rate chungchang leh, ruihhlo donaa thawhho chungchangte an sawipui a ni.

ACLCA-in thil chi hrang hranga thawhho an duhna an sawi chungchangah CYMA hruaitute chuan, CYMA-in an lo sawiho ve tur thu an hrilh a ni.