Chhiatnaa thawhho dan tur sawiho

Disaster Management & Rehabi-litation minister Prof. Lalnilawma leh Mizoram Earthmover Owners' Union (MEOU) hruaitute chuan khuarel chhiatna a thlen chánga thawhhona ṭha zawk neih dan tur July 3, Ningani khan DMR Minister pisaaah an sawiho.

MEOU hruaitute chuan, khuarel chhiatna kaihhnawiha mamawh khawl leh hmanraw hrang hrang - JCB, excavator, drilling machine leh thil dangte kimchang taka an neih thu leh, a khalhtu/khawihtu (operator)-te pawh an neih vek thu an sawi a; chhiatna a thlen chánga chhawmdawl hna thawk turin an member zinga mite hmang ṭhin tura sorkar an duh thu DMR Minister an hrilh.

Prof. Lalnilawma chuan, chhiatna thlengah thawhhona ṭha neih a pawimawh thu sawiin, "MEOU member list leh an biakpawh theihnate district tin DC hnenah thawn chhuah ni se; khuarel chhiatna kaih-hnawihah MEOU member-te chu a theih chin chinah sorkarin hman zel a tum ang," a ti.