NHIDCL-in PWD kawng enkawl lai hmun thum an enkawl tawh dawn

July 4, 2025 a NHIDCL, Mizoram leh NHIDCL Headquarters, New Delhi-in an thurel bawhzuiin, NH-06 Vairengte leh Sairang inkar, Bilkhawthlir leh Kolasib inkar leh Kawnpui leh Khamrang Mizoram PWD NH-Div III-in an enkawl mek chu NHIDCL-in an enkawl tawh dawn.

NHIDCL tarlan danin, Kawnpui (km 118) leh Khamrang (km 133) inkar hmun hrang hrangah ni hnih chhungin hna thawh ṭan a ni dawn. Contractor pawh lirtheite'n kawngpui him taka an zawh theih nan Bilkhawthlir (km 70) aṭanga Kolasib (km 95) thlenga hmanrua an hman turte a rang thei ang bera la khawm tura hriattir niin, tun kar aṭangin an hna thawktute leh an khawlte nen hna an ṭan nghal ang.

Tun dinhmunah chuan fûr ruahtui tlak lai a nih avangin kawng chhe zual lai thawm ṭhat te, kawng khuar lai lunga hnawh te, tuihawk luankawr tihfai leh leimin then faite ngaih pawimawh hmasak a, hmalak ṭan a ni ang. Blacktopping hna erawh ṭhalah ṭan a ni ang.

Hetihlai hian, felfai taka inhlan chhawnna erawh Mizoram PWD nena verification leh ṭul dangte sawiho a nih hnuah kalpui ṭan tura ruahman a ni.