Vawiinah Aizawlah kawng zawh a ni dawn

Vawiin hian MSU hian bultumin unqualified part time assistant professor mi 29-te an hna aṭanga chawlhtir phûtna atan Aizawlah kawng zawh a ni dawn.

MSU hruaitute July 5, Inrinnia ṭhukhawm chuan, sorkarin unqualified part time assistant professor 29 bân tura an ngennain awmzia a neih tak loh avangin kawng zawh an rel a ni. Chawhma dar 11-ah Vanapa Hall-ah ṭan a ni ang a, Higher & Technical Education Directorate thleng 'Quality Education Humhalhna Kawng Zawh' huaihawt a ni ang.

Aizawla awm college zirlai zawng zawngte kawngzawha tel turin MSU chuan an sawm a; kawngzawh hian awmzia a neih loh chuan hmalak zel an tum.

MSU kawngzawh huaihawt tur hi Aizawl City College Joint Students Union chuan an thlawp a, college zirlaite chu chawhma dar 10:30-ah Vanapa Hall kawta kim vek turin an chah a ni.