ADC-a anti-defection law hmang turin rawtna thlen

District Council & Minority Affairs (DCMA) minister C Lalsawivunga chuan, autonomous district council (ADC)-ah anti-defection law hman a nih theih nan Mizoram sorkarin rawtna a thlen thu a sawi.

Nimina Home Minister hoa thuthar thehdarhtute an kawmnaah zawhna chhangin DCMA Minister chuan, "ADC-ah hian anti-defection law an neih loh avangin nihna inchuh avangin sorkar a ngêlnghet thei ṭhin lo a ni," a ti.

C Lalsawivunga chuan, ADC-ah anti-defection law hman chu Mizoram sorkar duh dan a nih thu sawiin, "Chutihrualin, state sorkar thuneihna piah lam a ni," a ti a; Chief Minister sawi ṭhin angin, anti-defection law hman rawtna sorkar laipuiah an thlen thu a sawi.

DCMA Minister sawi danin, ADC-a anti-defec­tion law hman rawtna chu Indian Cons­titution 125th Amendment-ah thlen a ni.