Kar kawng bazarah solar light

Rural Development & Administration department leh SELCO Foundation, Bangalore chuan thingtlanga kut hnathawktute'n an thlai tharte chhun zan zawma an zawrh theih nan thingtlanga kawng sir bazar/khaw kar kawng bazarah kawlphetha (solar power supply) changtlung tak pe turin hma an la dawn.

Thingtlang kawng sir bazar/khaw kar kawng bazara solar hmang kawlphetha pek tur chungchangah hian nimin khan RDA minister Prof. Lalnilawma leh SELCO Foundation hotute chu minister pisaah an inkâwm a ni. A bul ṭan nan leh enchhinna hmasa atan RDA department-in thingtlanga thlai thar zawrhna kawng sir bazarte zinga hmalakna hmasa tur thlang se, chungah chuan SELCO Foundation-in hma la se, an ti.