Hunthar tana ruahmanna thlirho
Hunthar Venga lei tlahniam ṭhin venna atana AIE Construction-in ruahmanna an siamte chu, nimin khan DMR minister C Ngunlianchunga hoin a pisaah official-te leh Hunthar Veng khawtlang hruaitute'n an thlirho.
AIE Construction engineer-te tarlan danin, Hunthar Veng lei tlahniam venna atan hian cheng vbc. 15 aia tam loa project siam a ni dawn a; vbc. 15 aia a tam chuan state-in tum a ngai dawn. Ruahmanna eng emaw zat siam a ni tawh a, mahse, Geology Survey of India (GSI)-in an zirchianna an rawn la thawn lo a, GSI zirchianna mila project siam a ngaihna chin a awm.