MIGATHA khawmpui CM-in a hmanpui

Mizoram Government AdHoc Aided High School Teachers Association (MIGAHTA) chuan nimin khan Chanmari YMA Hall-ah Special Conference an hmang a, chief minister Lal Thanhawla'n a hmanpui.

Chief Minister chuan, zirna lama Mizoram hmasawnna chu missionary hmasate thawh rah a nih thu sawiin, "Zirtirtute hi nu leh pate rochan hlu ber enkawltu an nih avangin finna leh thiamna zirtir piah lamah naupangte entawn tlaka an nun invawn uluk a pawimawh," a ti a; MIGHATA member-te chu tunlai thiamna mila intuaithar ve zel turin a chah.

Special Conference-ah hian resolution pathum - chatlak loa hlawh an lak theih vanga Mizoram sorkar chunga lawmthu sawina te, tuna an hlawh lak mek basic pay leh half allowance chu full alowance anga pe tura sorkar ngenna leh, an damloha medical reimbursement bill phalsak ve tura sorkar ngennate an pass a ni.