Electoral roll chungchang sawiho

Election Commission of India ruahman angin, electoral roll dik leh felfai neih theih nana Champhai District Electoral Roll observer atana ruat Lalhmingthanga chuan nimin khan Champhai DC pisa conference hall-ah political party leh tlawmngai pawl hruaitute leh thuthar thehdarhtute a kâwm.

Electoral roll observer chuan, inthlan felfai nei tur chuan electoral roll dik leh felfai neih a ngaih thu leh roll ennawn kalpui dan pawh ṭha a tih thu a sawi. Meeting-ah hian ERO leh AERO-te'n an bial chhunga electoral roll hearing chung-changte an sawifiah a, political party aiawhte pawhin thu an sawi bawk.