Mautâmin MNF a liampui - Zodintluanga

Minister Zodintluanga chuan, nimin khan Lungkawlh YMA Hall-a van-tlang inkhawmah thu sawiin, MNF party chu an dingchhuak tawh dawn lo niin a sawi a, "MNF hi mautâm vanga din a ni a, mautâmin a liampui tawh," a ti.

Zodintluanga chuan, tun hnaia MNF president Zoramthanga'n MNF kum 10 sorkar aiin tuna Congress sorkar chu mipuiin an ning zawk nia a sawi chu chhangin, Mipui nin vanga sorkar tum ve ringawt hi khawvelin a hre ngai lo," a ti a; MNF chu an ding-chhuak tawh loa a rin thu leh party thar emaw, pawl thar chak takte a ding a nih loh chuan Congress party chu paihthlak a ni dawn lo niin a sawi.

Congress sorkarin thil dang zawng aiin ram mipuite an ngai pawi-mawh ber nia sawiin, Zo-dintluanga chuan, "Pa-thian leh mipui zarah mipui, kut hnathawktute thleng phak budget kan nei thei hi malsawmna kan dawnna a ni," a ti a; MNF sorkar veleh eiruk thubuai a awm nghal thu te, MNF sorkarah inrûkbo leh silai dâwt inhmuamtir leh helte an hluar thute sawiin, "MNF kum sawm sorkar leh tuna Congress sorkar hi tehkhin phâk a ni lo," a ti bawk.

PHE minister Zodin-tluanga hian nimin vêk khan North Vanlaiphai tana Tut lui tui laka tuikhuahna tur hmun remchang a en nghal a; tlaiah Biate Water Supply Scheme tui lakna Tuipui a tlawh bawk.