Hindi zirtirtute'n inkhawmpui hmang

Mizoram Middle School Hindi Teachers’ Association (MMSHTA) chuan nimin khan Synod Conference Centre-ah inkhawmpui an hmang a, minister of
state Lalrinmawia Ralte-in a hmanpui.

Lalrinmawia Ralte chuan, Mizote tan India rama tlángnél tur leh neitu chan chang turin Hindi ziak leh chhiar thiam bakah, ṭawng thiam a pawimawh tih a sawi a, "India ram hi hnam hrang hrang leh sakhaw hrang hrang chenhona ni mah se, Hindi hi ṭawng tualléng ber a nih avangin Hindi ṭawng thiam lo tan chuan kawng tam takah harsatna a awm thei a ni," a ti.

Mizoram chu hmar-chhak state zingah pawh Hindi thiam lo ber pawl an nih thu sawiin Lalrinmawia Ralte chuan, "Hindi thiam
loh vang hian India ram hmun hrang hrangah Mizote kan tlángnèl loh phah a ni," a ti a; degree nei tam tak zingah inbiangbiakna kawnga harsatna nei an awm avangin hna zawnna kawngah ṭhalai tam takin harsatna an neih phah thu a sawi.

MMSHTA inkhawmpui hi an president Zonunmawia'n a kaihruai a, chawhnu lamah ro an rêl a ni.