Zirlai thah duh loin kawng an zawh

MZP headquarters, Kolasib leh Kolasib College Students' Union huaihawtin nimin khan Kolasib khawpui-ah zirlaite'n kawng an zawh a; Kolasib College-a first semes-
ter zirlai Lalenkawli thah a nih an duh lohzia an lantir.

Kawngzawh hi Kolasib MZP secretary Zosangliana Rokhum-in a kaihruai a, zirlaite bakah, Kolasib khaw-puia tlawmngai pawl hrang hrang hruaitute an tel. Pawl hrang hrang aiawhte'n thu an sawi a; thu sawitute chuan Lalenkawli thah a ni chu an dem thu leh a thattu chu a phû tâwka hrem ngei an phût thu an sawi hlawm. Kawngzawhnaah hian resolution an pass bawk.

Resolution an pass-te

1. Kan zirlaipui duh tak Lalenkawli pawngsuala râwng taka thattu hian a thil tihsual phu tâwk ang ngeiin hremna hmu rawh se.

2. Kolasib-ah Fast Track Court kan neih ve tawh avang-in Lalenkawli case hi Kolasib-ah ngei ngaihtuah ni rawh se.

3. Zirlaite leh hmeichhiate chungah hleilenna a thleng leh ṭhin hi a pawi kan tiin, sorkar hian zirlaite leh hmeichhiate venhimna dan ṭha zawkin siam rawh se.