Joseph Himpuia'n Liandala chenna thin tlawh

Darzo khawtlangin Mizo hla phuah thiam Liandala (L) awm tawhna Darzo khuaa mi an humhalh chu November 9, 2016 khan parliamentary secretary Joseph Lalhimpuia'n a tlawh a; khawtlang hruaitute nen Liandala hriatrengna atana in sak chungchang leh ram pum huapa seminar buatsaih tura hmalaknate an sawiho.

Joseph Lalhimpuia chuan, Liandala hriat-rengna tura a hmun leh hma humhalh a, Darzo khawtlangin in an sak avangin lawmthu a sawi a, "Pu Liandala in hmuna changtlung zawka in sa turin engineer-te'n hma an la a ni," a ti.

Sorkar thuchhuah tarlan danin, Liandala hi kum 1900-ah Thiltlangah a piang a, kum 1922 aṭanga Khuanghlum Primary School leh Serkawn Middle School-ahte zirtirtu hna a thawh hnuin, kum 1945-1963 chhung Darzo Middle School headmaster hna a thawk. Kum 1964-1970 chhung Lunglei High School zirtirtu a ni leh a, kum 1973-80 thleng Zohnuai M/S headmaster hna a thawk leh bawk.

Liandala hi December 19, 1980-ah a thi a, hla 34 phuah bakah, hla 68 a letling a ni.