Home ṭanpuina tur ruahman pawm

Champhai District Level Executive Committee Under DAY-NULM chu November 9, 2016 chawhnu khan DC Vanlalngaihsaka hoin DC confe-
rence hall-ah an ṭhukhawm a; home hrang hrang ṭanpuina tura ruahmannate an pawm.

Meeting-ah hian kum 2016-17 chhunga NULM hmalakna pêng pakhat, khawpuia chêng lu nghahna nei lote chenna pek 'Shelter for Urban Homeless' (SUH) tana hmalaknaah Champhai khawpui chhunga home pathum - Emmanuel After Care, De-addiction Center, Metakhen leh Genesaret Gospel Home-te tana ruahmanna siam tawh chu thlirleta sawiho a ni.

Emmanuel After Care chu kum 2015-ah zu leh ruihhlo ngaite tana din a nih thu te, kum 2015-16 chhungin puanthhuah leh tui lumna pek tawh a nih dan leh, choka sakna tur leh tuizem ruahmansak tura rawtna siam a nih thu tarlan a ni. Metakhen tan an hmunhma hungna ruahmansak a nih thu leh enkawltu nei lo leh châwmtu nei lote tana din Genesaret Gospel Home tan bungraw dahna in sak leh sikul sak
ṭhatna, tura ruahmanna a nih thu tarlan a ni bawk.