Mi 12,337 hnenah a thlàwnin eirawngbawlna gas pe tawh

Pradhan Mantri Ujjwala Yojana (PMUY) hnuaiah April 25, 2020 thleng khan mi 12,337 hnenah eirawngbawlna gas a thlawna pek a ni tawh a, la pek zel tura ruahman a nih thu Mizoram sorkar thuchhuah chuan a tarlang.

Sorkar thuchhuah tarlan danin, PMUY hnuaiah hian Mizoramah bene­ficiary 28,121 an awm a, chungte chu gas agency 53-a inziak lut an ni. Gas bûr kg. 14.2 chi dawn tumin mi 12,498-in an hauh (book) tawh a, mi 12,300 hnenah pek a ni tawh. Gas kg. 5 bur chi chu mi 64-in an hauh tawh a, mi 37 hnenah an pe tawh a ni.

PMUY hnuaia beneficiary-te gas man tur sorkar laipuiin a tumsak turah an bank account-a pawisa thun tura tihfel tawh 20,548 an awm a, account-a thunsak tawh mi 20,392 an awm bawk.