Rev. H Killuaia vui liam a ni

Mizoram Baptist Kohhran rawngbawltu langsâr Rev. Dr H Killuaia (87) chu Ningani zan zanlai pelh hnu, nimin zing dar 1 khan Trinity Hospital, Aizawlah a thi a, nimin chawhnu dar 1 khan vui a ni.

Rev. H Killuaia hi August 22, 1939 khan Chawnhù, Lawngtlai district-ah a piang a, fapa pathum a nei. Kum 1972-ah pro. pastor a ni ṭan a, kum 1975-ah pastor atan nemngheh a ni. June 5, 2025 zanah a tlu a, Christian Hospital, Serkawn, Ebenezer Hospital, ZMCH leh Trinity Hospital-ahte enkawl zui a ni a; hniam lam pan zelin, nimin zing khan a thi ta a ni.

Rev. H Killuaia hian lehkhabu 33 chuang a ziah bakah, hla 80 chuang a phuah a; a hla phuah zingah 'Indona', 'Rorelna dik', 'Pathian kohhran', 'Min ṭawngṭaitir rawh', 'Ka hlau lo ang', 'Tho la Lalpa hnenah ṭawngṭai rawh', 'Ka nun hian a ngai em che' tihte a tel.