Champhaiah media workshop buatsaih

Directorate of Infor-mation & Public Relations leh Mizoram Journalists' Association bultumin nimin khan Champhai IPR Auditorium-ah Champhai leh Khawzawla MJA member-te leh thuthar thehdarhtute tan media workshop buatsaih a ni a, Champhai SDC Lalchhuanawma Ralte-in a hmanpui.

Media workshop-ah hian Dr H Laldinmawia paper 'Mizo ṭawng ziah dan dik' tih leh Vanneihtluanga paper 'Traditional and new media' tih thupuite zirho a ni a; Champhai IPRO Lalzara kaihruaiin, thupui pahnih sawiho a ni.

Lalchhuanawma Ralte chuan, Mizo ṭawng chu Mizote pawt khawmtu leh hnam nihna petu a nih thu sawiin, "Thuthar la khawmtute tan kan ṭawng chhui let a, a hlutna hriaa vawnhim a pawimawh. Mizo ṭawng dik ngeia ziak emaw, chhiar emaw hmangin thu puang zel ang che u," a ti a; traditional media aṭanga new media-a muangchanga insawn a ṭul thu a sawi bawk.