END-in hmalakna thlir lêt

Excise & Narcotics Department chuan nimin khan an hmunah depart­ment hmalakna thlir letna, Crime Review Meeting an nei a; END commissioner Z Lalhmangaiha'n kai­hruaiin, district tin aṭang­in officer-te an tel.

Review meeting-ah hian MLP (Amen­d­ment) Act 2022 kenkawh chungchang te, ruihhlo leh a kaihhnawih NDPS Act, 1985 hmanga dap chhuah leh man chung­chang te, dan anga ruihhlo tihral dan uluk zawka kengkawh dan tur te, sorkar department dangte leh tlawmngai pawl leh kohhrante nen ruihhlo donaa thawhhona ṭha tak nei zel dan turte sawiho a ni.