Sapthei chîn khuhhawnna buatsaih

Horticulture depart­ment chuan MIDH Special Intervention hnuaiah July 10, Ningani khan Pehlawn YMA Rûnah sapthei chîn khuhhawnna hun an buatsaih a, Horti­culture director CH Lalmuan­puia'n a hmanpui a; sapthei ching­tute hnenah scheme-in a kal tel thilte sem a ni.

CH Lalmuanpuia chuan, Mizoramah sapthei a ṭhat duh avangin nasa taka hmalak an tum thu a sawi a, "Sapthei ṭhat duhna district thlan bik Khawzawl leh Champhai district-te la kalpui zel tur a ni. Hna thawk peih chuan min cho rawh u, Horticulture department chu kan awm zel ang. Department-in a tih tur a rawn ti zel ang a, in tih tur ṭhahnemngai takin lo ti zel u la, tichuan kan ramin hma a sawn zel ang," a ti.

Horticulture depart­ment chuan Pehlawn leh a chheh­vela sapthei chîng tura thlante hnenah ṭanpuina - sapthei ṭiak, sapthei zâmna hrui leh a ban, organic leiṭha, NPK, damdawi, wood vinegar, sprayer leh a ṭang tanna (secateur) an pe dawn a ni.