CSC din champha lawm

India rama common service centre (CSC) din champha, ‘CSC Diwas’ chu nimin khan IPR Lianchhiari Rûnah lawm a ni a; Information & Communication Techno-logy secretary Amid Sharma-in a hmanpui.

CSC Diwas-ah hian village level entre-preneurs zinga hna thawk ṭha zual mi pathum - VL Ramropuii, Kolasib district, Lalnunpuia Kawlni, Aizawl district leh Hmingthanmawia, Lawnglai district-te hnenah chawimawina thuchei leh pawisa hlan a ni.

Amid Sharma chuan, CSC hnathawh chu mipui rawngbawlna pawimawh a nih avangin ṭhahnemngai lehzual turin CSC-a thawktute a chah a, "Sorkar hi mipui rawngbawl tur a nih anga mipui leh hna thawktute tana awlsam leh chak thei ang bera hna thawk thei tura inpuahchah a pawimawh," a ti.