Meth, heroin leh detonator man

Assam Rifles sipaite chuan June 11, 2025 tlai dar 5 vel khan Zokhawthara Ṭiau lui kamah metham­phetamine mum 3,33,300 (kg. 37.476) an man. Meth kengtu mi pahnihte chu AR sipaite nen an inhmuh veleh an ip (rucksack) ah tlanchhiatsanin Ṭiau luiah an zuang lut a, Myanmar lamah an kài avangin man hman an ni lo.

AR sipaite chuan April 10, 2025 zan pawh khan Hnahlanah Kenbo bike-a chuang mi pahnih hnen aṭang­in heroin (no. 1) gram 128 an man bawk. AR-te hian ruihhlo leh a neitu an mante hi Cham­phai police hnenah an hlan a ni.

Assam Rifles-te hian kar kal ta tawp lam khan Chanmari, Aizawlah mi pakhat hnen aṭangin deto­nator (bomb tihpuahna) 7,000 an man bawk a; detonator leh a neitu chu Aizawl Police Station-ah an hlan.