2025 kum chanve chhungin END-in heroin kg.34.083 man

Excise & Narcotics department (END) chuan kuminah July 11 thlengin heroin kg. 34.083 an man a, ruihhlo dang leh zu lam chi tam tham tak an man bawk a; dan bawhchhia mi 3,906 an man.

Kumin July 11 thlengin END mi leh sate hian ruihhlo tawlhruk nasat zual - heroin kg. 34.083, methamphetamine kg. 79.308 leh crystal meth kg. 48.061 an man a; ruihhlo dang pawh tam tham tak an man a ni.

Zu lam chi-ah END chuan, rakzu litre 39,135.286 leh sapzu um 15,000 chuang an man a, zu bilh lai ṭín 73,204 leh zu siamna bungbel 1,409 an man.

Excise & Narcotics department chuan zu leh ruihhlo chi hrang hrang man kaihhnawihah hian mi 3,906 an man a, lirthei 91 an man bawk.