Police officer zu rûiah ngaiin Khawzawlah mipui pung khawm

July 12, Inrinni zan khan Khawzawl additional SP Bruce Vabeirokhai chu rûi chunga khawlaia duty a, mipui tana harsatna siamah ngaiin mi eng emaw zat an pung khawm a, harsatna lian erawh a thleng zui lo.

Khawzawl aṭanga thu dawn danin, Bruce Vabeirokhai hi Tai­dawn­kawn, Khawzawl Zaingenah police duty-te puiin a awm ve a; lirthei tlân eng emaw zat ti­dingin, rui chunga duty leh mipui tana harsatna siam­ah khawtual mite chuan an ngai a, mipui an pung khawm zui a ni.

Thil thleng avang hian harsatna leh buaina lian chhuak zui a awm lo a, Khawzawl Additional SP lakah pawh tun thleng chuan thuneitute aṭanga action lak a awm rih lo tih Khawzawl aṭanga thu dawnna chuan a sawi.