Nunna atana hlauhawmah MUHCS thawhpui loh damdawi-in pan theih
Mizoram Universal Healthcare Scheme (MUHCS) kaihhruaina tihdanglam hret a ni a; nunna atana hlauhthawnawm bikah chuan MUHCS thawhpui loh pawh ni se, damdawi-in remchang apiangah indah luh theih a ni.
Health secretary H Lalengmawia chuan July 14, 2025 khan hriattirna chhuahin, MUHCS Guideline 10.3.2-ah 13.3.2(i) dah belh a nih thu a tarlang a, "Nunna atana hlauhawm (life threatening case) /emergency case/ ṭul bik nia Review Committee-in a hriatteah chuan non-empanelled hospital remchang apiang pan theih a ni ang," a ti.
Health Secretary chuan, "Dilna hi Mizoram Healthcare Society-ah thehluh tur a ni a, a hmuna kal thei lo tan hospital-a in admit aṭanga darkar 48 chhungin Google forms hmangin online-in thehluh theih a ni ang," a ti bawk.