New Serchhip-ah bawlhhlawh thliar dawn

Serchhipah bawlhhlawh ṭawih theih leh ṭawih thei lo thliar hran leh sâwngbàwl kalpui ṭan tum a ni a, bul ṭanna atan New Serchhip thlan niin, August 2025-ah ṭan a ni dawn. Bawlhhlawh thliar hran kalpui dan tur ngaihtuahin nimin khan Serchhip bawrhsap Paul L Khuma hoin New Serchhip venga VC leh tlawmngai pawl hruaitute an ṭhukhawm.

Sorkar thuchhuah tarlan danin, Serchhip district thuneitute kaihhruaiin Urban Development & Poverty Alleviation department, Public Health Engineering department leh Greenherd Pvt. Ltd. te chuan bawlhhlawh sawngbawlna a takin Serchhipah kalpui ṭan tum a ni. Hmalakna hian Serchhip khawpui pum a huam dawn a; New Serchhipah August 2025 aṭangin ṭan tum a ni.

Serchhip Bawrhsap chuan, bawlhhlawh sâwngbâwlah Serchhip khawpuiin bung thar a kai dawn tigh sawiin, "Tihhlawhtlinna tura bul ṭan nan New Serchhip thlan a ni. Hmalakna hi mi tlemte rorel mipuia barh tumna ni loin, huam zau taka inrâwnkhawma kalpui tum a ni," a ti.

Bawlhhlawh thliar dan tur leh sâwngbàwl chungchanga hmalak tum dan chu mipui hnenah chiang taka hrilhfiah tur leh, hriatthiam loh leh dodalna a awm loh nan zirtir turin Serchhip DC chuan New Serchhip khawtlang hruaitute a ngen a; hmalakna chu ṭha taka thlawp tur leh, ṭha taka bawhhlawh thliar turin New Serchhip mipui a ngen bawk.