MSPMC-in kawng siam an endik

Mizoram State Project Monitoring Committee (MSPMC) chuan nimin khan Thenzawl Solar Plant panna kawng siam an endik a; kawng leh tui luankawr siamṭhat ngai leh hmalakna turte sorkar official-te leh khawtlang hruaitute an sawipui.

MSPMC team chuan, endiknaa an thil hmuhte chu MSPMC Chairman (Chief Minister) hnenah an thehlut dawn tih an sawi a, "Mizorama project hnathawh hrang hrangah quality control ngaihthah a ni ṭhin a, hetiang lam hi ngaih pawimawh ni ṭhin se kan duh," an ti.

Vantawng Group YMA leh an hnuaia Vigilance & Monitoring Sub-Committee hruaitute chuan, Solar Plant panna kawng chu tun aia ṭha zawka siam leh ngei ni se an duh thu an sawi. Power & Electricity department hotute pawhin kawng ṭha lo chu siamṭhat a nih theih nan an ngaihven zui zel dawn tih an sawi bawk.