Zirlai nei pung tamte lawmman hlân

Aizawl West-I bialtu MLA TBC Lalvenchhunga chuan nimin khan a pisaah a bial chhunga sorkar primary school leh middle school zinga zirlai enrolment pung tam berte hnenah MLA fund aṭangin Rs 1,00,000 ve ve a hlan.

Aizawl West-I hian a bial chhung primary school zinga enrolment 24%-a punna Sairang P/S-II leh middle school zinga enrolment 50%-a punna Tanhril M/S-II hnenah lawmman a hlan a ni.

TBC Lalvenchhunga chuan, "Lawmman ka siam chhan chu, ka bial chhunga zirtirtute inkarah inelna thianghlim awm se ka duh vang a ni a, naupang sikul kal lote hûi khawma sikul kaltir tura zirtirtute an ṭan theih nan leh a phû tak takte'n sikul an thawm ṭhat theih nan a ni," a ti.

School enrolment intihsiakna chu kum hmasa academic year tawp dawnah School Education department kaltlangin sikul intihsiakna anga neih a nih tur thu sikul tin hnenah thehdarh a nih thu TBC Lalvenchhunga chuan a sawi a; lawmman dawng tur pawh School Education department admission information aṭanga lak a nih thu a sawi bawk.