Kolasib dist-a zirna dinhmun sawiho

District Education Committee chu Kolasib additional DC B Malsawmtluangi kaihhruaiin nimin khan an ṭhu a; Kolasib district-a kum 2024-25 chhunga chhunga zirna kalpui dan leh kum 2025-26 atana hmachhawpte an thlirho.

B Malsawmtluangi chuan, zirna ngaih pawimawh a ṭul thu leh zirlaite tan zirna boruak (environment) ṭha siam a ṭul thu a sawi a, "Zirlaite'n study environment ṭha tak an neih theih nana hmalak hi kan tihmâkmawh a ni," a ti.

Ṭhutkhawmah hian Annual Work Plan & Budget 2025-2026 thlirhoa pawm a ni. Budget hi UDISE Plus 2023-2024 data hmanga siam a ni a; sorkar sikul leh Samagra sikul hrang hranga zirlai enrolment, zirlaibu, uniform leh activity hrang hrang atana senso tarlanna (costing sheet) leh thil pawimawh dangte a tel.