Mat phaiah zu siam lo turin Serchhip Magistrate-in hriattir

Serchhip district magistrate Paul L Khuma chuan thuchhuah siamin, Serchhip Mat phaia nùl leh thlai hmun siama eizawng ṭhinte chu zu leh ruih theih thil siamna atan hmang lo turin a hriattir.

Bawrhsap chuan, Serchhip Mat phaia nùl leh chawhmeh hmun siam ṭhin zingah pangang thahna hlo (pesticide) hmang ṭhin an awm tih hriat a nih thu a tarlang a, "Mi ṭhenkhatin zu leh ruih theih thil siamna remchangah an hman ṭhin bakah, ramngaw leh nungcha tichereu zawngin hma an la ṭhin tih report dawn a ni. Hengte hian mipui vangtlang hriselna a nghawng thei a, mipui tan hnawksak a nih theih bakah, harsatna lian tak thlen thei a ni," a ti.