Pawisa inthâpna thilah Assam-ah Mizo pali man

Assam Police chuan July 15, Thawhlehni zing khan Guwahati dáia dan loa pawisa khelhna leh inthàpna (gambling) nia hriat Club Nirvana an luhchhuah a, Mizoram mi pali an man.

India Today (NE) tarlan danin, Assam Police-te'n Mizo pali an mante chu - Lalchhanhima Sailo (35), Lalfakawma Ralte (28), Lalrinngheta (35) leh Joseph Lalparmawia (28) te an ni a; Aizawla cheng nia inchhál vek an ni.

An pali hian Club Nirvana-ah ni thum vel an awm tawh a, anni bakah hian pawisa tam tham tak, zu, casino khelhna hmanrua leh an mobile phone-te man tel a ni.