Lirthei luh tlemtir turin CS ngen

Zoram Driver Union (ZDU) Gen. Hqrs. hruaitute chuan nimin khan State Level Task Force on Covid-19 chairman Lalnunmawia Chuaungo, chief secretary an hmu a, Vairengte checkgate-ah lirthei, mipui ni tin mamawh ei leh bàr phûr tih loh chu Mizoramah luh tlemtir ni se ṭha an tih thu an thlen.

ZDU hruaitute chuan, Vairengte checkgate-a lirthei lût leh chhuak tam lutuk vangin Mizoram a him loh theih thu leh Mizoram mipui an him zawk theih nan lirthei lut tlem se an duh thu an sawi a; Mizoram hmun hrang hranga in (building) an neihte Covid-19 chungchangah sorkarin mamawhna a neih chuan hmantir an inhuam thu an thlen bawk.