KHAWTHLIR

MLA-in hmanpui

MSU General Headquarters chuan nimin khan Aizawla college students' union hruaitu zinga graduate tharte lawmpuina hun ZTS Picnic Spot-ah an hmang a, adviser to CM TBC Lalvenchhunga, MLA-in a hmanpui. TBC Lalvenchhunga chuan, zirlaite chu harsatna pumpelh zawnga kal lo a, hmachhawn ngam turin a fuih a, thil tak tak tuipuia buaipui turin a chah bawk.

Kawng khâr dawn

Falkland Venga Aizawl Bypass Road-a lei tlahniam chu kawng lai chata tui luankawr siam a ni dawn a, naktuk Zirtawpni chhun dar 11-ah hna ṭan tur a ni. Hna thawh zawh a nih hma chuan kawngpui hi khar a ni ang.

Chhiah lâk theih

The Mizoram Goods and Services Tax (GST) Act, 2017-in a sawi angin, intih­hlimna hrang hrang - mela, concert, sport tournament, movie (film) chhuah, trade fair, etc.-te chu man nei emaw, ticket siama buatsaih emaw a nih chuan Supply of Services hnuaiah chhiah (tax) lak theih a ni tih sorkar thuchhuahin a tarlang. Danin a phalsak ni loa buat­saih an awm chuan dan hmanga hrem theih an ni.