Siaha DC-in quarantine centre a enfiah
Ram puma inkhàrkhip kalpui mek zawh hun, May 3, 2020 hnua Mizoram páwna Siaha district mi leh sa tangkhangte an hawa dah hranna tur, Siahaa quarantine centre-te chu hman tlak a nih leh nih loh Siaha district bawrhsap Bhupesh Chaudhary-a'n nimin khan a enfiah.
Siahaah hian quarantine centre atana hman tur mi 230 len theihna building thlan chhuah pasarih a awm a, hman nghal theih vek a ni. Tipa (Tuipang) RD block chhunga mite tan Tipa khuaah quarantine centre pathum a awm a, mi 33 awm theihna tur a ni. Siaha district chhungah hian quarantine centre 10 a awm a, a rualin mi 263 awm theihna tura ruahman a ni.
Siaha khawpuia quarantine centre-te chu - DPRC building-ah mi 41 an awm thei a, ITI Hostel-ah mi 19, DIET building-ah mi 28, MDC Hostel-ah mi 39, PWD IB-ah mi pariat, Tourist Lodge-ah mi 51 leh Saiha College Girls' Hostel-ah mi 44 an awm thei bawk.