MIMA-in dawr hawn duh

Mizoram Merchant Association (MIMA) chuan thuchhuah siamin, May 3, 2020-a lockdown a tawp hnua sumdawnna hmun hawn dan tur chung­changa an ngaihdan tarlangin, a him china dawr hawn ṭha an tih thu an tarlang a; sumdawngte chu an thil zawrhte tito lo turin an ngen nghal bawk.

MIMA chuan, Co­vid-19 chungchanga Mizoram sorkar hmalakna chu lungawithlak an tih thu an tarlang a, "May 3, 2020-a lockdown a tàwp hunah sorkarin rua­hmanna fel tak siamin, sumdawngte pawhin sumdawnna kalpui se," an ti a; sorkar laipui leh khawvel ram dang sor­karte pawh an inthlahdul hret hret niin an tarlang.

A him china inthlahdul ṭha an tih thu sawiin MIMA chuan, "Tun dinhmunah sumdawng tam tak an mangang tak zet tawh a, dawr luah man leh an naute (mi chhawr) hlawh pek nen, hun harsa tak sumdawngte'n an tâwk mek. Kan inkhârkhip bur reng chuan kan economy chhiat­na bul ber tur a ni," an ti.