NH 306 & 06 kawng chhia enfiah

Kolasib bawrhsap Robert C Lalhmangaiha chuan nimin khan Kolasib district-a National Highway 306 leh 06 (Kawnpui - Khamrang)-a kawng chhe laite a hmunah a en a; sorkar hotu te, hna thawktu te leh khawtlang hruaitute'n kawng chhia vanga harsatnate sutkian dan tur an sawiho.

Robert C Lalhmangaiha hoa harsatna sutkian dan tur sawihonaah, kawng ṭha taka siam a nih theih nan lirthei tlante chawlh lailawk dan tur te, ni tin mamawh buhfai, tuialhthei, eirawngbawlna gas leh damdawi phur lirtheite chatlak loa an kaltlang dan tur ngaihtuah ni se, an ti.

Bawrhsap hi sorkar hotu te, NHIDCL leh Truck Owner's Association aiawh te, Khamrang leh Kawnpui khawtlang hruaitute'n an ṭawiawm a ni.